東張西望何伯丨街市檔主揭「新何太」如何「迷魂」何伯　無奈稱： 第1日就勸佢小心啲　

《東張西望》訪問忘年夫婦何伯與「新何太」成為城中熱話，《東張西望》繼續「斬件式」報道，在昨晚（5月15日）訪問目撃何生與「新何太」如何結緣的街市檔主。

在街市經營報紙檔的陳生陳太接受主持梁敏巧訪問稱，何伯一直習慣在街市行逛「過日辰」，指對方為人疏爽常請人食飯。陳太指：「阿伯（何伯）成日企喺報紙檔門口，同人哋吹水，打發時間，每日都留6至8個鐘先返屋企。」

陳生亦指：「一嚟就喺報紙檔買份報紙，好似晨運咁，行來行去同人打招呼、傾偈。」二人異口同聱表示何伯為人健談、心地善良：「佢對我哋兩個都好好。」

東張西望何伯丨「東張女神」梁敏巧被讚表現佳　用訪問技巧令「新何太」露底牌

▲ 《東張西望》

東張西望丨早勸何伯要小心

不過，陳生與陳太指，某日「新何太」臨時攤檔：「賣花膠、海味、花旗蔘，啱啱喺正報紙檔對面，擺15日，最後嗰日係年三十晚。」他們更爆何太到街市已周圍跟人說：「離婚5年，同阿伯講想搵個男人，問有冇男人介紹畀佢，跟住就話自己有個18歲仔。」

陳太更表示，當時何太由第一日就問何伯跟她是甚麼關係：「畀人嘅感覺，係咪父女嗰啲，咁我唔知啦，可能傾無謂嘢。」

陳生陳太無奈地稱，早經勸何伯：「第1日都勸佢小心啲，點解呢個人會講自己呢啲嘢出嚟搵男人。第3日煲湯，我同佢講：『唉啊！你唔好飲啦！』。」

▲ 《東張西望》陳生見何伯「沉船」感無奈。

東張西望丨新何太出動靚湯攻勢

陳太更表示，當時何伯顯得非常開心：「仲話有人蔘、花膠、鮑魚，你都飲啦，係咁叫我飲。我話我唔飲，人哋煲畀你嘅，但係你都唔好飲啦，識咗人幾耐啊！」

同時，陳太指新何太每日焗花旗蔘水、果皮水給何伯：「跟住佢哋互相買飯食，同埋剝定個橙畀佢，剝晒皮㗎喇！」陳生續稱：「以我男人講度嚟講，已經知出事啦，你識咗人幾多日啊？第二日就煲湯畀佢飲。我睇夜晚檔多，佢（何伯）通常5、6點返屋企煮飯，自從嗰個女人來開檔，我問『何伯你仲唔走』，佢話：『佢（何太）叫我等埋佢行返屋企。』我話『你自己諗喇！』」

▲ 《東張西望》

東張西望丨何伯不覺受騙

因此，陳生無奈稱：「我哋唔係唔想佢好，有個女人照顧佢，我哋都唔知幾開心啦！但無奈，我真係見到個女人擺明呃你，我都同佢好多次，佢話：『唔係啲咁樣嘅人』。」

陳太稱，當時新何太擺檔15日，她勸足何伯15日，甚至半個街市的人都勸何伯，稱：「半個街市都勸過佢，話『小心啲，呢個女人唔簡單，可能呃錢㗎』，日日見佢黐住佢返工放工食飯，同埋啲對話，話做佢個女、老婆。」

▲ 街市的髮型師受訪。

陳太指，當時何伯喜歡與街市的人分享，因而街市的人都紛紛勸他：「唔好跟住佢喇，驚佢呃你錢，點會嚟幾日就想做你老婆。」

同時，陳太稱當時「新何太」曾睇中街市的髮型師：「佢（髮型師）話梗係唔畀電話佢，畀老婆知，點算啊，微信就是旦啦。」而《東張》亦訪問了該髮型店老闆，對方稱：「我唔係懵，睇人咁多，一睇佢講嘢就知佢釣緊魚！」

最新影片推介：周家蔚專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5